Laitlang Express Myanmar News A poi tuk ee!! Zaangfah an si tuk ee!! An duh zong duh lo zong ah an kir a hau ko ee!!

A poi tuk ee!! Zaangfah an si tuk ee!! An duh zong duh lo zong ah an kir a hau ko ee!!

October 3, 2022October 3, 2022 adminadmin 0 Comments 12:51 pm
Categories:
Raltuk ruangah mipi an tuar ning hi zaangfah an si tuk cang ee.  oe Bae khualipi chungah heh tiah mipi ralkap le SAC ralkap cu an i thuat, mipi nih an tih tuk caah khua an zam tak dih, natein ei le ding awk an ngei lo caah an tih bu in an inn le lo a rawk dihmi lei ah an kir than tiah report nih a langter.
Shan State thlang lei Phekhung township, Moe Bae khua ah KNDF, PDF le SAC hna cu heh tiah an i thuat hna i, ralzam tampi cu ei le ding awk an ngei ti lo caah an duh zong duh lo zong ah lamdang a um ti lo caah an tih buin an khua ah an kir dih than tiah thei a si. Cre-TCP

Thawngpang dang….Kayin ramkulh, Myawaddy Maynikune(မြေနီကုန်း) ah ku-va a cawmi DKBA chungtel 2 cu a hosi theihlo mi hriantlai phu nih an kah hna caah pakhat a thi, pakhat cu fakngai in hliamhma a tuar tiah tualchung mi hna nih an chim.Myawaddy Maynikune(မြေနီကုန်း) Sagaing ku-va dawr hmai October 2, zaanlei suimilam 4:00 hrawngah kahdohnak a chuak, zeiruang ah kah an ton zong theih a si lo tiah tualchung mi nih an chim. ” Pakhat cu kah an tonnak hmun ah a thi, pakhat zong a hliamhma a fakngai” tiah tualchung mi pakhat nih a chim.

Cu kahdohnak a can hnu ah cun, SAC ralkap hna nih lampi le gate phihnak an tuah i checkhlatnak an tuah, kah a tongmi DKBA phu chungtel 2 cu Myawaddy general hospital ah an kalpi hna tiah theih a si. DKBA phu cu KNU in a chuakmi Karen hriamtlai phu pakhat an si, SAC nih uknak a lak hnu DKBA phu in Bo Salone hruaimi minung thazaang 200 hrawng cu KNU kuttang hriamtlai KNDO he a fonhmi an si. Cre-TCP

You May Also Like