Chin pasaltha pawl nih SAC ralhrang ralkap pawl an thah mi a tam tak tak

November Thla Chung SAC Ralkap Le Chin Ralkap Kar Kahdohnak Ah SAC Ralkap 55 Leng An Thi
Chin ramkulh, Hakha le Thantlang kar le Hakha khuachung ah SAC ralkap le CNA hruaimi Chin ralkap kar kahdohnak ah

SAC ralkap 55 leng kan fimhlawm hna, hliamhma tuar an tam hlei ah Meithal zun 9 le kuan zeimawzat kan lak tiah Chin National Front CNF nih November 30 ah cathanh an chuah. Cre-TCP

Relchap….Timit Kahdohnak Ah A Thimi SAC Ralkap Ruak Chin Ralkap Nih An Char, SAC Ralkap Pakhat A Nung In Tlaih A Tong

A luancia November 24 lio Hakha-Thantlang lampi kar Timit kuanghrawn kahdohnak ah Chin ralkap hna nih SAC ralkap ruak an i vuinak hmun 9 an hmuh i, a thimi SAC ralkap ruak 4 char in an vuipiak hna tiah theih a si.

Timit kahdohnak ah ai telmi Chin ralkap pakhat nih ” November 24, lio kahdohnak ah SAC ralkap lei a thimi hna ruak an vuinak hmun 9 kan hmuh, cun SAC ralkap ruak 4 kan char i kan vui cang hna.

Ruak vuinak hmuhmi hmun 9 chung ah hmun khat ah cun “A hmuai ṭai” an phunchih caah Officer a si lai tiah kan zumh, cun SAC ralkap pakhat a nung in kan tlaih” tiah The Chin Post ah a chim.

Similar Posts