Chin ramkulh chung i kahnak ah SAC ralhrang ceilak thah an si

Kum 2022 Zing in November 3 tiang Chin ramkulh , Falam peng, Kalay peng chung ah ralhraang le Chin National Defense Force (CNDF) kahdohnak voi 12 a chuak, Sikpar 15 in Sikpar 23 tiang vanlei kahdohnak le thazaang chapnak a chuah caah kahdohnak fak ngai a chuak,

kahdohnak chungah ralhraang 37 an thi, CNDF lei in minung 5 hliam an tuar, nunnak liammi an um lo.

Ralhraang hliamngan ruangah Tibual khua inn 3 a kaang, Bualte khuami mitlamtling lo pa pakhat ralhraang nih an thah, mi tlamtling lo mi pakhat an tlaih fawn.

Relchap……Rakhine Ram Ah Khua Bawi 80 Leng Nih Rian Chuahnak Ca An Ṭial Ko Nain SAC Nih An Cohlang Lo. Rakhine ramkulh, Panarkyun(ပုဏ္ဏားကျွန်း) peng ah khua bawi rianṭuantu 86 nih a hnu bik November 18 ah rian chuah dih ding in ca kan ṭial ko nain, nihin November 30 tiang ah SAC nih chuahnak nawl an kan pe lo, tiah rianchuahnak ca a ṭialtu sang bawi le khua bawi hna sinin theih a si.

“Atu bantukin rian chuahnak ca ka ṭialmi hi khuami an nunnak kongkau ah bia kai kam ngam lo. Pakhat khat thil ka tuah khawhmi a um lo pinah khua bawi rian ka ṭuan hi man ngei lomi bantuk a si caah chuahnak ca ka ṭial,” tiah min langhter a duh lomi khua bawi pakhat nih a chim.

Peng uktu pa nih rian chuahnak ca nan ṭialmi cu keimah nawl in chuahnak nawl kan pe kho hna lo. Pengkomh le ramkulh uktu hna nih chuahnak nawl an in pek hna hnu lawng ah nan chuak kho an kan timi hi cunglei nih chuahnak nawl an kan pek lo zong ah khua bawi rian hrimhrim kan ṭuan ti lai lo, tiah khua bawi pakhat nih a chim.

A luancia November 10 zanlei ah Panarkyun khua ah hram a bunhmi Khah Mah Yah 550 Battalion kuttang SAC ralkap nih, Sin Ingkyi khua an rak khangh pinah khuami 10 an rak thah hna caah atu bantukin khua bawi pawl hi rian chuah ding in ca an ṭial hi a si, tiah theih a si.

Panarkyun peng ah khuakomh 96 a um i, cu chung in khua bawi 86 nih peng uk sinah rian chuahnak ca an ṭial, theih a si.

SAC nih nawlngeihnak an lak hnu in Rakhine rammi le khua bawi 300 leng tlaih an tong cang, tiah AA nih an langhter. Cre-TCP

Similar Posts