China hi sipuizi lei ah si seh, space lei ah si seh, missile lei ah si seh ralkap lei ah si seh an thawng ning a rang tuk i, US caah tih nung dirhmun a si cang caah US nih China cawlcang kholo in a tuah khawhnak ding caah ramdang he rian tuan ti dingin lam a kawl pengmi cu a tu cu a tlam tling thluamah ve cang.
United States, Australia le Japan defence minister-pawl nih cun a luancia zarhte ni ah khan China cawlhcang loin a tuah khawhnak ding caah mah ram pathum pawl nih agreement an tuah cang. “Taiwan strait le region dangah China nih a duh duh in a cawlcang i, heh tiah ramdang a tlerh lengmang caah atu cu kan zoh sawh sawh kho ti lo tiin,” US defence secretary Lloyd Austin nih a chim.
“Indo-pacific lei zong ah China cu duhsatein a cawlhcang peng i, vawleicung hi a kut tangah chia i timh i, thil zeimawh teteh a tuah lengmang” tiin Australia minister Richard Marles nih a chim chap.Cre-RTK
