Vawleicung a buai chin lengmang, North Korea nih a chim ning ahcun, America hi vawleicung ah buainak a tlungpi tu bik a si, continents kip ah tension/ conflict a chuaknak 100/70 cu Biden administration hriamnam supply ruangah a si tiin a chim.
South Korea spy agencies nih North Korea nih Nuclear weapons a timh, zeipoah ready in a um cang tiin warning an pek peng, November thla si cang, natein zeihman thawngpang thei dingmi a um lo. Nihin ah nih a chim ning ahcun, North Korean Foreign Minister Choe Son Hue nih “US-South Korea-Japan accord’ nih Korean peninsula ah a chiabikmi tuanbia a chuahpi, mah ram pahnih nih an thil tuah ning ruangah a fak bikmi lehrulnak kan tuah hrim lai tiin a chim. Cre-RTK
Kawlram thawngpang.. Baa Ann Peng Ah BGF Nih Ngakchia Pakhat Telh In Minung Pali An Kah Hna I An Nunnak A Liam. Karen ramkulh, Baa Ann peng Mihkaren(မိကရင်) khua ah SAC kuttang BGF nih nizan November 17 zaanlei sml 5:00 hrawngah meithal in inn pakhat an kah caah kum 7 ngakchia pakhat telh in minung pali an nunnak a liam, tiah khuami pakhat nih a chim tiah theih a si.
“BGF 20 hrawng cu motor pahnih in an ra i, khua chak ah a ummi inn pakhat cu meithal in an kah caah an chungkhar ning in meithal kuan nih a khen hna. Thawng dik lo an theih caah minung i palhin meithal in an kah mi a si men lai,” tiah a chim chap.
BGF nih kahnak in Mihkaren khua ngakchia pakhat, kum 24 tluk pa pakhat, kum 50 tluk nu pakhat le khua chak ah rian a ṭuanmi Kawhpyian(ကော့ဖျံ) khuami kum 30 tluk pa pakhat an nunnak a liam. A nunnak a liammi chungah kum 7 ngakchia le kum 24 tluk pa pakhat hi unau an si i kum 50 tluk nu hi unau hna an pi a si, tiah theih a si. CRe-TcP
