Tu lio US politic cu a buai tak tak, thawngpang a linsa chin lengmang ko. Nicholas Waddy, political analyst and Associate Professor of History SUNY Alfred nih a chim ning ahcun, ex-POTUS Donald Trump officially in 2024 US presidential election i cuh than dingin thawngthanhnak a tuah cang caah, aho hman nih former US president Trump nih US a zohkhen ning le US caah a rian tuan ning cu philh kho a si lai lo. America hi dirhmun tha, ramdang nih upat hna seh, US ramchung economy tha than seh ti kan duh ahcun Trump lawng nih US dirhmun a serh than khawh” tiin a chim. Cre-RTK
Kawlram thawngpang…. KNU Hpapon Pengkomh Zarhhnih Chung Kahdohnak Ah SAC Ralkap 30 Leng An Thi. KNU Hpapon pengkomh ah SAC ralkap, BGF le KNLA kar ah zarhhnih chungah voi 60 tluk kahdohnak a chuak i, SAC ralkap 30 leng an thi, tiah theih a si.
November 1 in 15 tiang ah SAC ralkap, BGF le KNLA karah kahdohnak voi 58 a chuak i SAC ralkap 35 an thi, 23 hliamhma an pu. KNLA Brigade 5 in ralkap 3 nih ram le miphun ca ah an nunnak an pek i 3 hliamhma an pu, tiah KNU/ KNLA nih cathanh an chuah tiah theih a si.
Cun SAC ralkap le BGF nih tualchung mi an lo hmun le mizapi nih zulhmi lam hna cu, hriamngan in voi 29 tiang timh ciammam te in an kah pinah Hpapon pengkomh chungah a ummi hmun 3 zong ah Jet Fighter in bomb lung 12 hrawng an thlak caah tualchung mi inn le biaknak he aa pehtlaimi inn an rawk.
Tualchung mi a thimi le ai hliammi an um le um lo tu cu fiang in kan thei kho rih lo, tiah cathanh chungah an langhter. Karen zatlang bu hna nih, KNU Hpapon pengkomh Brigade 5 hmunram chungah kahdohnak a zual i, SAC ralkap nih nuhrin covo buar in an cawlcangh caah tualchung mi 130,000 leng a himnak hmun ah an zam i bawmhchanhtu tampi an herh, tiah an langhter. Cre-TCP
