Russia le Ukraine buainak cu thla 9 hrawng a si cang, a caan a sau tak tak cang. Ukraine president a forhbik mi hi US a si, Zelinsky le a ralkap hna cu US hih heh tiah a forh hna caah atu hi Ukraine ngakchia le mipi tampi an thi cang.
The Washington Post nih a tial ning ahcun Biden administration nih Ukraine, Kyiv regime cu Russia he thatein cabuai cungah bia i ruah tinak ngei ding in a forh tiah a tial. The Wall Street Journal (WSJ) report nih a langter ning ahcun US National Security Adviser Jake Sullivan nih a thli in Yuri Ushakov, foreign-policy adviser Vladimir Putin hmuh i Kremlin he cabuai cungah thatein bia cei dingin a forh.
Mah top officials i hmuh mi nih a langter mi cu, Russia nih Nuclear Arsenal cu Ukraine tuknak ding caah a hmang sual lai ti an tih tuk caah a si. Mah US media outlet, nih hin Sullivan nih Russian counterpart Nikolai Patrushev cu a chawn i, Russia & America kar lak ah thatein i chawn ding in Moscow cu nawlh a si.
A luancia zarh a khan, President Joe Biden’s top national security advisor nih Kyiv ah Ukrainian President Volodymyr Zelensky a hmuh i $400 million military aid package a pek than hoi tikah US thil tuah ning hi mipi zong nih mak an ti tuk cang caah heh tiah social media ah an chim. Cre-RTK
