United States nih Myanmar ralkap cozah sin ah Russia hriamnam cu an kuat tawn tiah a puh. Myanmar mi businessman le company hna cu dan a tat piak cang hna. Mah bantuk in US nih Blacklist ah a chiami lak ah hin Belarus ram in hriamnam le thil dang dang, aircraft he a lak tawntu, Dynasty International ngeitu Aung Moe Myint, Hlaing Moe Myint le company director Myo Thitsar hna zong an i tel tiah report nih a langter.
US Treasury nih a langter ning ahcun, mah bantuk in US nih biakhinak a tuah ruangah Myanmar mipi hna cu harnak a pek lai lo tiah a chim. US Secretary of State Antony Blinken nih Myanmar ralkap cozah le Russia le Belarus he pehtlaihnak a tuah caah mah bantuk in biakhianak an tuah mi a si tiah a chim.
Myanmar mipi hna heh tiah harnak a pek tawntu le Russia nih Ukraine a dohnak ah a dirkammi hna cungah fakpi in dantatnak an tuah chin lengmang lai tiah a chim. US Department of State nih report ah a langter ning ahcun, police hotu hlun le Deputy home affairs minister Than Hlaing cu mipi cungah harnak a tuah tawn caah fakpi in dantata a si ve tiin a langter. Cre-RTK
