US’ national security pawl an him deuh khawhna ding caah Biden administration nih China-based companies pawl hna nih an tuahmi i chawnnak thil pawl hna cu cawk a siang ti lo. BBC report nih a langter ning ahcun, ZTE, Huawei, Hytera, Hikvision, & Dahua, hna hi US nih cawk lo ding in a hrem cang.
Federal Communications Commission of the United States an members pawl hna an him khawhnak ding caah China companies 5 hna hi American security caah tih nung tukmi thil a si caah cawk mah company pawl nih an tuahmi i chawnnak poah cu cawk lo ding tiin an hrem. Cre-RTK
Kawlram thawngpang dang…ZinKyaik Khua Ah Uihrut Nih Ngakchia 10 Telh In Minung 11 A Seh Hna
Mon ramkulh, Zinkyaik(ဇင်းကျိုက်) khua Falat sang ah uihrut nih ngakchia 10 telh in minung 11 a seh hna caah hliamhma an pu, tiah theih a si.
November 27 zing sml 9:00 hrawngah Falat sang um Kong Htauk(ကုန်ထုတ်) hlei pawng ummi uihrut pakhat nih lam ah ai chawkmi le ngakchia 10 telh in minung 11 a seh hna, tiah tualchung mi hna sinin theih a si.
“Uihrut nih ngakchia nu a hmai ah a seh dih hnuah a zam i inn chungah a ummi zong a va seh hna.
Bazar zong ah a va lut i mi a seh hna pinah Khalauk Ing(ခလောက်အင်း) sang a ummi pakhat zong a seh,” tiah tualchung mi pakhat nih a chim. Uihrut nih ngakchia 10 le upa pakhat a seh hna i an hmai, an ke le an baan ah a seh hna, tiah theih a si.
A luancia September 11 lio zong ah Paung peng Pankone khua in Zinkyaik khua lei ah a zammi uihrut pakhat nih, ai chawkmi le inn chungah a ummi minung 20 leng a rak seh bal cang hna, tiah theih a si.Cre-TCP
